الاشياء الي تصير في السعوديه بس

لصمتي حكايه الثلاثاء مايو 24, 2011 9:56 am

الاشياء الي تصير في السعوديه بس

- دائماً مستعجلين ومسرعين وماوراهم ولاااااا شي

-لازم هوشه في اي لعبه جماعيه سواء كانت " كيرم " الى " بلوت " مروراً بـ " بلاي ستيشن "

- الأم السعودية اذا ضاع ولدها تبكي .. وإذا لقته طقققققته

-لازم تنكسر صينية ولا كاسة شاهي بالبيت اذا فيه ضيووف

-كل الحريم عيالهم ما يآكلون ، حتى السمين:مسيكين وليدي مهوب يآكل أبدددد

- النت مايحلى عندهم الا وقت الاختبارات والنوم

-الحريم اذا اتصلوا على الرجال اول كلمه تكون : وينك؟ الرد دايم : قريّب

-اي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا إجازة خمس ايام غايب غايب

-في كل بيت لازم مجلس للحريم ومجلس للرجال ومع كذا مايجيهم احد””من جد خخخ

-أم توصي عيالها : اذا سألوكم اي شيء قولو مدري

- الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم

-الأم تعاتب ولدها : حرام عليك ليش طقيت أخوك الصغير وبكيته ؟؟ ... الولد : "هو اللي بادي

-الولد مع اهله مايدفع ريال ومع اصحابه يحلف عليك ماتدفع ريال << اووووم النظام بسس

-في البلاك بيري" طول الوقت بره واكل تايم ووكوفي تايم ومول تايم والي يسمع يقول بلندن,,من زين الاماكن

-الدولاب فيه مليون لبس و اذا جت عزيمه "ماعندي شيء البسه’ ياربي وش البس’ بروح السوق ادور اخاف ما القى , ياربي ليتهم ماعزمونا """

-الكبار يمسكون البزر ويحجرون له : من تحب اكثر امك ولا ابوك؟ ~> إلى الان السسؤآآل مسستمر

- ما يطلبون بالكوفي إلا : "كبتشينو" وبعد إدمان للكافيهات .. صاروا يعرفون : موكا

- يستخدمون كأسات الجبن السايل للشرب( كرافت )

- في عز الفرحة "مناسبه سعيدة، عيد، سفر،مجتمعين على الغداء ..الخ"، تلقى الام تهاوش بناتها والولد يضرب اخواته خخ

- سوالف البنات بعد الحفل أنا اكشخ وحده-وانا احلى وحده-ويوم مريت كلهم ناظروني
حركات الشعور بالنقص ودك تلفعها وهي تسولف

-انخطبتي؟ اصص لا تعلمين احد !! نجحت بممتاز؟ اصص لا يدرون عنك! وكله عشان لا يطقونهم عين

-لا تسلّمين خليها هي تسلّم ..لا تسلّم خله هو يسلّم ويخلص العرس وماسلموا على بعض

-وكل الفلان خياله عليهم رزة الراية يا زين خالد بينهم ﯙ فيصل لا تخلونه -في كل زواج يغنونها والرقص عليها حدث ولا حرج خخخخ

-اذا بيعرفون الولد يحب اخته المولوده ولا يغار منها يقولون له بنأأأأأخذ اختتتك يالله هاتوا ملابسها >هههههههههههه

-إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا نجحت ماتعلم إذا سقطت ماتعلم كن ماتزوج ولا حمل ولا ولد ولا سافر ولا مرض غيرها خخخ الله ياكافي

-سلام الجدات:هلا وشلونكم وشخباركم وعساكم بخير وشلون عيالكم وشلونكم و شلون شايبكم وشلونكم وش اخباركم وعساكم طيبين وش اخباركم وكل ذا في 30 ثانيه هع

-البنت ترجع من مناسبه ركض لآمها/ فيني ضيقه شفت نوير تطالع فيني ولا ذيك مدحتني ماقالت ماشا الله > آعع مافي الا انتي بالعرس

-عند كل سوق لازم تلقى مجموعه شباب يبون يدخلون وهم يدرون أنه عوائل ههههه

- سعودي يسأل عامل اجنبي ... انتا مسلم؟ مين كفيل؟ وين شغل؟ كم سالاري؟ امممممم ايش اسم انتا يا محمد

- الام كل ماشافت عيالها عند اللاب توب او معاهم البلاك بيري او الايفون/ تدعي ع اللي صنعهم

-حالة طوارئ يوميا الساعه السابعه صباحا

- العيله اللي عندها سواق تودي كل بزر للمدرسة لوحده ! >

-مواضيع البنات في المدرسه:ياشين ذالابله حاقده علي. شفتي شنطة ذيك ظنك تقليد؟ .يوه نسيت فسحتي معك ريال؟. ودي انحف قبل الصيف. بجلس جنبك تغششيني ؟. ترا فيه تفتيش

-بعد مباراة النصر والهلال بنات المتوسط هوآش ويمعطون شعورهم

-إمك وابوك من عرفتهم وهم الأوائل في كل دراستهم وأنت اللي ما طلعت عليهم

-بناتنا معقدين من " اذا تزوجتي ، سوي اللي تبين !!

-اول ما تتعلم السواقة و تطلع امك معاك،واحد مسوي حادث:انتبه.. واحد سقط عليك:انتبه.. واحد ماخذ يوتيرن:انتبه.. واحد جنبك:انتبه

-متعة الطلعة بالأكل .. انت ماكليت انت ماطلعت ولا انبسطت

-اذا طلع البر صار عربجي وراعي هياط واذا راح البحر صار كوول” هذا اسمه التكيف مع البيئه هههه

-أول يوم برمضان حزة اذان المغرب:اذن؟ لا ما اذن؟ الا كني سمعته! اطلع شف اذّن ولا لا؟ شوفوا بالتقويم متى وقت الآذان ؟ طيب حطو القناة الاولى نشوف

-نفتح الثلاجه واحنا شبعانين ونفتح الثلاجه واحنا جوعانين كلها بداعي الفضول لا اكثر :

- اذا خلصت بطارية الريموت يجلس يعضه ويعضه ويركبه ويشتغل الريموت ويحس انه سوا انجاز

-الرجل السعودي : يلا انا عند الباب اطلعي وهو باقي له ربع ساعه ياصل البيت << مايتحملون الانتظار

~> حتتـآ السسوآآقين صـآآرو زيييهم

-مواصفات زوجة المستقبل عند اي سعودي .. طويلة وبيضا وشعرها طويل .. في الاخير يتجوز العكس هههههه

-اي ولد يعطيها وجه صار يحبها.. واي بنت تعطيه وجه صار احسن واحد عند اخوياه ..

-البنت والرجال قبل الزواج عيدان واغصان لبان وبعد الزواج اللهم يا كافي من السمنه

-اذا صرت انسان واصل ودايم تسأل صرت انسان نشبه, واذا سحبت عليهم قالو وينك ماتنشاف! فبالتالي مافيه حل عشان تتواصلون !

-توصي العالم كلهم يذكرونك بشي وينسون هم ومايذكر الا انت .... خخخخخخ

-الام تشتري حلاو وتوزيه عن عيالها ... لين تنتهي صلاحيته خخخ

-كل الطلاب اللي درجاتهم ضعيفه او عايدين السنه ..بينهم عذر مشترك ..وهو ان المدرس حاقد عليهم هههههه

- الأم : يا وليدي ارجع للبيت بسرعه بس ( لا تسرع ) !! هههههههههه

-جدران حارات السعوديين " A+N = قلب و فيه سهم والحب عذااااااب " خخخخخخ

-الحريم يقضون 9 ساعات بصوالين المكياج وساعتين بالزواج > هههههههههههههههههههههههه

-تحضرلزواجها قبلها بسنه وتعمل اغلى فستان وتتعب على المكياج والشعر واخرتها جالسه في الكوشه والشي الوحيد الي تسويه توقف عشان تسلم لوووووووووول

-البنت عند شلتها: انا ولد خالتي وولد عمتي وولد الجيران كلههم يحبوني ~ وبالاصل كل الي قالتهم ماطقولها خبر ويمكن مضيعين اسمهاا

- عنددك واسطه ! تدخل جامعه مستشفى حكومي وزارات ! ما عندك شي ؟ اجلس في بيتكم

- يمر لمحل وجبات سريعة .. والطلب: همبرجر تريبل .. اكسترا شيز .. مايونيز وعشان الرجيم : الببسي دايت (امحق رجيم)

-شعب يعرف عن كل شئ وله تجارب في كل شئ لو سألت احدهم حتى لو مايعرف عيب في حقه يقول ما اعرف

-السؤال اللي مابطّلوه إذا شافوا ولد في عزيمة .. تدرس ؟؟ سنة كم ؟؟ ماشاء الله نجحت ؟؟

-اذا معانا مشروب او حلاو ونشب فينا بزر نقول " هذا دوا يابابا دوا

- مريحين يدينا و نستخدم اصبع الرجل الكبير عشان نطفي التوصيله/السوني/الاكس بوكس/الرسيفر/واذا فيه لياقه نطفي التلفزيون بعد

-تلاقي المتسوق عند الكاشير يحتج ويشتم فيهم لأن الأسعار عالية وبالأخير يطلع الفلوس من جيبه ويعطيه للكاشير

-الزوجه لازم تكون ام وطباخه ومربيه وكهربائيه وممكن سباك اما الرجال يدوام وكثر الله خيره

-مستحيل تأخذ سندويتش للمدرسة عشان ما يقولون عنك مصري
~> هههههههههه

- أكبر بنت وولد على اسم الجد والجدة """"بنتهم الكبيرة لطيفة والثانية ميار

-نتواعد نطلع 6 وتصير الساعه 8 ولسه ماطلعنا

-يحبون ياكلون مفاطيح بس يحرصون على ان الببسي يكون دايت

-اذا بيقومون شخص ، يطفون المكيف يفتحون اللمبات يشيلون الفراش خخخخخخخ واحياناً يرشون الوجه مويه

-البنت السعودية الصغيرة ما تطفش من لعبة "الحريم"

-اذا جلست مع وحده وماعندكم سالفه نسولف فيها تنط بوجهي: نحفتي كثيير وبعدها ب5 دقايق تجي وحده ثانيه تقول: ماشاءالله سمنانه

-الشعب الوحيد اللي ياخذ اي شيء بسعة صدر ووفله و تنكيت

- الصغار ما يحبون يسلمون عالضيوف الا بالقوه .. وبالعيد ما يخلون احد ما يسلمون عليه عشان العيديه

-تسافر لبيت جدك و يستقبلوك من ٨ الى ١٠ بزارين ولا تدري من ذولي يطلعون عيال عمامك كلهم بنفس العمر وجو للحياه فجاه تقال شارينهم

-نروح ننتظر الأخ المبجل لين يطلع من مدرسته أكثر من ربع ساعة ! ولو ينتظرك هو والسواق 5 دقايق قوم الدنيا ولا قعدها

-أشهر جملة عند البنت السعودية : مشكلتي مررره مزاجية

- اذا مريت عند ناس وهم واقفين ولا سلمت قالوا شايف نفسه واذا سلمت قالوا يبي يتعرف

- اذا كنتوا جالسين وقام واحد وطلع حشيتوا فيه واللي يخاف ان يحش فيه مايطلع الا آخر واحد

- الطفل السعودي يكلم طفل ثاني ابوي اقوى من ابوك , سيارة ابوي احسن من سيارتكم ,وريني عضلاتك عضلاتي اكبر من عضلاتك...... الخ

- الطفل السعودي اذا كان بالشارع ومرت سياره يشوت نعلته علشان تدعسها السياره

- العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه

ليتني همكـ! الأحد يونيو 05, 2011 10:42 am

هههههههههههههههههههه...

هاذولـي هـم السعودين ..

هع هع

- العائله السعوديه اذا راحوا لمكه لازم يسكنون بنفس الشقه حقت العام والا ماكأنهم راحوا لمكه

هههه لااااازم ..

يسلموو ع الطرح ..

ودي و ردي